Aktuelt - Ivar Aasen-tunet
Noreg er i haust heidersgjest under den tradisjonsrike bokmessa i den tyske byen Frankfurt. Den folkekjære poeten Olav H. Hauge og tittelen på det mest kjende diktet hans Det er den draumen, frontar kampanjen som skal marknadsføre Noreg og norsk litteratur internasjonalt. Frå 15. til 20. oktober deltek Nynorsk kultursentrum i det offisielle programmet, der både statsminister, kronprinsparet og kulturministeren er vertar.
– Nynorsk kultursentrum er svært glade for at regjeringa samla styrkar den språklege infrastrukturen i Noreg med over 9 millionar. Samstundes er det synd Regjeringa ikkje har løyva dei nødvendige driftsmidlane til Vinje-senteret for 2020. Det vil gjere det vanskelegare å gjennomføre løftet for journalistikk og dikting som trengst, og som Vinje-senteret kan bidra til, seier styreleiar Lodve Solholm.
Språkmangfaldet i Noreg får eit sterkare vern om den nye språklova blir vedteken. – Det er svært positivt å få eit lovverk som sikrar at vi framleis kan skrive bokmål og nynorsk ved alle høve i Noreg, seier direktør Per Magnus F. Sandsmark i Nynorsk kultursentrum.
Nynorsk kultursentrum har kartlagd kva partia meiner om språk i fylkestingsvalet.
I 2019 feirar vi også den nynorske salmetradisjonen. For 150 år sidan gav Elias Blix ut heftet "Nokre Salmar, gamle og nye". I Volda, Jølster og Ulvik blir det feira med ei moderne tolking levert av musikarar frå øvste hylle. Saksofonist Tore Brunborg står i spissen for prosjektet.
Stein Versto og Odd Nordstoga skal vere festspeldiktarar under Dei nynorske festspela 11.–14. juni 2020.
Frisørkjedene Floke og Balanzera fekk prisen Årets nynorskbrukar 2019 under Dei nynorske festspela 13. juni. Dei får prisen for «å nytte nynorsk i marknadsføring av frisørtenester i by og bygd på aust- og vestlandet», sa styreleiar Lodve Solholm i Nynorsk kultursentrum i grunngivinga si.
I høve Bokåret 2019 tek Nasjonalbiblioteket dei to første norske trykte bøkene med på reise til utvalde stadar i Noreg. Dei 500 år gamle bøkene kjem til Ivar Aasen-tunet 28. august.
– Nynorsk kultursentrum meiner norsk, med skriftspråka bokmål og nynorsk, skal vere samfunnsberande, skriv styret i Nynorsk kultursentrum i sitt innspel til språkmeldinga.
Tale på Uppheimsplassen i Volda, 17. mai 2019, Per Magnus F. Sandsmark, direktør i Nynorsk kultursentrum.
Dei lett gjenkjennelege utebiblioteka til Lurivar er ute. Velkomen til ei lesestund i det fri!
Når Tone Hødnebø får si diktartavle på Hardanger folkemuseum den 8. juni, går ho inn i rekkja av viktige poetar i vår tid. Etter at Olav H. Hauge mottok prisen i 1993 har sentrale norske lyrikarar kvart år blitt heidra på den vakre Diktarstien ved Hardangerfjorden.
Likar du å skrive for barn eller vaksne? Har du halvferdige noveller i skrivebordsskuffa? No er tida inne for å finne dei fram!
Dei to frisørkjedene Floke og Balanzera er kåra til Årets nynorskbrukarar 2019.
Den nye daglege leiaren i Ivar Aasen-tunet er Tone Slenes frå Ørsta.
I Bokåret lagar Nynorsk kultursentrum seks nye utstillingar, skipar til tre barnebokveker og andre arrangement i heile landet.
I samband med Bokåret 2019 tilbyr Nynorsksenteret og Ivar Aasen-tunet gratis undervisningsopplegg til utvalde nynorske barnebøker.
Temautstillinga du kan oppleve i Aasen-tunet fram til sommaren går inn i det analoge mediet vinyl.
Det blir verdspremiere når strengekunstnar Stig Ulv og diktar Hilde Myklebust finn saman for første gong.
Her kan du lese om alt som skjer i Ivar Aasen-tunet våren 2019.
Regjeringsplattforma er meir konkret om urfolks- og minoritetsspråk enn om nynorsk og bokmål.
I 2018 feira Nynorsk kultursentrum 25 år, arrangerte Ulvik poesifestival for tiande gong, og markerte 150-årsjubileet til Samlaget og 200-årsjubileet for A. O. Vinje.
Vinje-fondet skal styrkje nynorsk journalistikk og anna publisistisk verksemd på nynorsk, og medverke til større rekruttering av nynorskbrukande journalistar.
Kvelden 20. desember fekk Nynorsk kultursentrum melding om at Kulturdepartementet løyver 233 000 kroner til formidling av og forsking på nynorsk skriftkultur. Pengane kjem frå gåveforsterkingsordninga, som gir 25 prosent av gåvebeløpa institusjonen har fått av private aktørar.
Det er duka for det beste Sunnmøre har å by på av både blues og rapp når BokkeReidars Blues Band tek med seg Sjef R og Skatebård til Uteamfiet i Ivar Aasen-tunet torsdag 13. juni under Dei nynorske festspela.
I 2019 opprettar Nynorsk kultursentrum tre nye stillingar: ei i Vinje og to i Ørsta. – Gjestene våre får fleire arrangement, betre digitale tenester og vertskommunane våre får nye kulturarbeidsplassar, seier direktør Per Magnus Finnanger Sandsmark.
Nynorsk kultursentrum gler seg til Bokåret 2019. Vi skal feire vers og forteljingar i Ørsta, Ulvik, Vinje og resten av landet.
– Jubileumsgåva på 100 000 kr gjer det mogleg å etablere to nye formidlingstilbod til barn på nynorsk, eit nytt framtidsspel og Lurivar-ordbok i 2019. Gåva frå Sparebank1 Søre Sunnmøre er med på å gjere det enklare og kjekkare å vere nynorskbrukar, seier direktør Per Magnus Finnanger Sandsmark.
Kulturdepartementet kårar Vinje til Årets nynorskkommune 2018. – Om vi ikkje tek vare på språkarven vår, blir vi som ein bekk utan kjelde, sa
ordførar Jon Rikard Kleven i takketalen.
– Det er både faglege og kulturpolitiske grunnar til at administrasjonen i Nynorsk kultursentrum ikkje ønskjer å gå vidare med å etablere Diktarhuset i Lom. Det seier direktør Per Magnus Finnanger Sandsmark i ein kommentar til utgreiinga «Diktarar og dialektar» som Nynorsk kultursentrum offentleggjorde måndag.
Innlegg av direktør Per Magnus Finnanger Sandsmark i Nynorsk kultursentrum under konferansen «Treng vi norsk?» 1. november 2018, Scandic Sunnfjord Hotell, Førde.
– Framlegget til statsbudsjett for 2019 gir både pluss og minus for nynorskbrukarane, seier styreleiar Lodve Solholm i Nynorsk kultursentrum. Løyvinga til Nynorsk kultursentrum aukar med 2,2 prosent til 20,5 millionar.
Stina Aasen Lødemel (40) frå Ørsta er tilsett som ny redaktør i det digitale oppslagsverket Allkunne. Ho tek over 1. november etter Per Magnus Finnanger Sandsmark, som frå same dato er direktør i Nynorsk kultursentrum. Lødemel har vore redaksjonssekretær i Allkunne frå 2013.
– Vi er nok viktigare for folk enn vi sjølve forstår, seier direktør Ottar Grepstad i Nynorsk kultursentrum etter 25-årsjubileet før helga. – For tilsette i ein institusjon som vil vere til nytte for andre, gjer det godt å høyre så mange seie at det vi gjer, betyr mykje. Det skal vi vite å utnytte i framtida, seier Grepstad.
Arnfinn Kolerud har fått eit jubileumsstipend på 200 000 av 25-årsjubilanten Nynorsk kultursentrum. Kolerud blei flogen inn frå ein skulesekkturné i Sunnhordland for å motta stipendet og heideren under ein festmiddag i Ørsta fredag kveld.
I statsbudsjett for 2019 føreslår regjeringa å løyve 8,4 millionar til bygging av Vinje-senteret for dikting og journalistikk i Vinje.
av direktør Ottar Grepstad
Kronikk av rådsordførar Per Halse og styreleiar Lodve Solholm i Nynorsk kultursentrum
– Vi er klare for jubileumsfest i Ivar Aasen-tunet fredag 28. september, seier direktør Ottar Grepstad. Nynorsk kultursentrum fyller 25 år og feirar med eit gratisprogram som rommar både talar, musikk og tapasbuffet.
Fredag 14. september var det storinnrykk i Aasen-tunet då 200 barnehageborn fekk sjå dokketeater om Blåmann og møte ein ekte geitebukk.
Statsråd Trine Skei Grande kjem til 25-årsfeiringa av Nynorsk kultursentrum 28. september. I løpet av hausten kjem også Ragnar Hovland og Brit Bildøen til Ivar Aasen-tunet, og det blir det fleire konsertar, familiedagar, forfattarmøte, med Boknatta 1. november som eit litterært høgdepunkt.
Tor Jonsson-foredraget av Ottar Grepstad, på Diktardagar ved Tor Jonsson-stugu i Lom, laurdag 1. september.
I Symra kan du lese om alt som skjer i Aasen-tunet i haust.
Den boka av Ivar Aasen som flest aviser omtalte, var «Norsk Navnebog» i 1878 med opplysningar om tydinga av personnamn. Det var også den siste førsteutgåva han gav ut. Det går fram av «Aasen-bibliografien» som Ottar Grepstad presenterer i Aasen-tunet på Aasens fødselsdag 5. august.
Førde bibliotek, Rom for ord og Nynorsk kultursentrum inviterer til arrangørsamling med to dagar til nytte og glede for kulturhus, bibliotek, festivalar, sogespel, forlag, Den kulturelle skulesekken og andre kulturarrangørar om formidling og bruk av nynorsk.
Tidekverv er eit nytt folkemusikkverk komponert av Berit Opheim og Benedicte Maurseth, tileigna dei fire merkedagane i kalendaråret: vårjamdøgn, sommarsolkverv, haustjamdøgn og vintersolkverv. Fredag 7. september framfører dei det musikalske verket i tunet.
Per Magnus Finnanger Sandsmark (28) frå Volda er tilsett som direktør i Nynorsk kultursentrum etter Ottar Grepstad.
Ein tur i nærområdet, lunsj i kafeen, eit besøk i utstillinga eller gåvehandel i butikken? Aasen-tunet har ope kvar dag i sommar, og vi ønskjer velkomen til kjekke opplevingar i og rundt tunet. Her er noko for ein kvar smak!
I sommar er det mykje kjekt å oppleve i Aasen-tunet, både inne i utstillinga og i området rundt. Lurivar har lagt ut ordløypa si langs stien til Høgetua, og på toppen finn de utebiblioteket hans med gode nynorske bøker for barn og unge.
